من أجل حياة أمنة

بصراحة كده وبدون مقدمات

احنا نستاهل اللي بيجرى لينا

اخر الأخبار

رغيف العيش المحمص

اللي كان بربع جنيه

بقى بنص جنيه

قال قيه رايح الشغل الصبح كالعادة

وكنت جعان جداً لأني ماتعشتش بالليل

ونمت خفيف

قولت لزمايلي في المكتب حد هياكل معايا

قام خالد قال انا ياويكاااااااااااااااا

رحت قولتله طيب اتصل بعم ابراهيم

لحسن انا جعان موت وانا كمان ياويكا

راح اتصل بعم ابراهيم

رد عليه عم حنفي بتاع الأمن

عم ابراهيم خرج يجيب طلبات

طيب لما يجي خليه يطلع المراجعة

عشان عايزينه ضروري

عينيه يا أستاذ خالد الكلام ده كان الساعة 9

قعدنا نستنا عم ابراهيم يجي ماجاش

طيب ياعم حنفي عم ابراهيم جه لا لسه

طيب اول مايجي خليه يطلع المراجعة وحياة ابوك

عشان احنا حالة تصعب على الكافر حاضر يابيه

الساعة بقت 9.30 وعم ابراهيم لسه ماجاش

هو راح يجيب الطلبات من الشبراوي اللي في الحي السابع

أصل ياجماعة الشركة في مكرم عبيد

اخيراً عم ابراهيم جه انت فين ياراجل

يعوض عليك ربنا يابيه

كتبنا الورقة بالطلبات محدش يفهم غلط ياوحشين

ده العملية كلها فول وطعمية وباذنجان وعيش طبعاً اللي عليه الكلام

راح عم ابراهيم وجه كانت الساعة 10.25 هه الحساب كام

خمسة جنيه يابيه ويعوض عليا ربنا

ليه ياراجل ياطيب الحساب كله 4جنيه

لا اصل رغيف العيش بقى بنص جنيه

ايه بنص جنيه ليه ده يعوض علينا احنا ربنا بقى

خلاصة الكلام...

يعني رغيف العيش العادي ابو شلن عليه طوابير

قصدي مظاهرة

والعيش المحمص بنص جنيه والمكرونة بأربعة جنيه ولسه البقيه تأتي

ويخلف علينا ربنا وماله الزلط